Spurningar
Hér má sjá svör við nokkrum algengum spurningum. Ef þú hefur einhverja aðra spurningu, hikaðu ekki við að senda okkur tölvupóst
Hvað þarf ég að panta með löngum fyrirvara?
Það fer eftir verkefnastöðu hverju sinni. Viku fyrirvari ætti að að tryggja að við getum komið á þeim degi sem þú biður um. Ef sá dagur sem þú óskar eftir er uppbókaður, þá reynum við af fremsta megni að finna lausan tíma sem hentar þér.
Þarf ég að vera heima á meðan þrifin eiga sér stað?
Það er alveg undir þér komið. Þú getur verið heima, þú getur hleypt okkur inn og farið út á meðan eða ef þú verður alveg fjarverandi geturðu skilið lyklana eftir í lyklaboxi. Í reglubundnum þrifum er hentugt að láta okkur hafa lykil.
Hvað tekur verkið langan tíma?
Það fer eftir stærð húsnæðis, aðstæðum, þeirri þjónustu sem þú pantar og hve margir starfsmenn eru sendir í verkið. Bronsþrifin taka eðlilega stystan tíma, og gullþrifin lengstan.
Hvað einkennir ykkar þjónustu?
Þetta er ekki svört starfsemi og þú færð alltaf sendan reikning. Starfsfólk okkar er með góða reynslu af hreingerningum, er glaðlynt og þjónustulundað, og að sjálfsögðu með hreint sakarvottorð. Allir okkar starfsmenn þurfa að skrifa undir þagnareið.
Ef ég er í reglubundnum þrifum, kemur alltaf sama starfsfólk til mín?
Já, við reynum alltaf að senda sömu aðila í verkin. Það sem veldur því ef slíkt gerist ekki, eru tilfallandi veikindi eða starfsleyfi, sem breyta uppröðun teymanna, oft með skömmum fyrirvara. Það á þó aldrei að hafa áhrif á gæði þrifanna.
Hvernig þrif henta mér?
Vinsælasta útfærslan er að vera í tveggja vikna bronsþrifum.
Komið þið með allt?
Já, við komum alltaf með öll hreinsiefni, tuskur, ryksugu o.þ.h. Hinsvegar er alltaf gott að vita ef það er góð ryksuga á heimilinu og ef það eru tröppur aðgengilegar; það léttir undir.
Ég vil vera í reglubundnum þrifum, en ég vil ekki alltaf fá sama pakkann
Það er ekkert mál. Í pöntuninni skaltu bara panta fyrstu þrifin og svo geturðu látið okkur vita, annað hvort í pöntunarforminu sjálfu eða með því að hafa samband við okkur þegar líður á.
Greiðslur & verðskrá
Greiðslumáti
Þú færð sendan reikning á tölvupóst, og samsvarandi krafa er send í heimabanka. Eindagi kröfunnar á að vera eftir að þrifin eiga sér stað, svo þú hefur tækifæri til að gera athugasemd við gæði þrifanna, ef einhverjar eru.
Í reglubundnum þrifum er einn reikningur sendur undir lok mánaðar, með eindaga um mánaðamót. Sá reikningur er fyrir öllum þeim þrifum sem hafa átt sér stað og/eða munu eiga sér stað í þeim mánuði.
Afpöntun
Við mælumst til að afpanta með sem lengstum fyrirvara. Sé afpantað innan sólarhrings áður en þrifin eiga sér stað áskiljum við okkur að senda skrópgjald (kr. 5.000 ). Það er vegna þess að ólíklegt er að við getum á svo skömmum tíma endurúthlutað þeim tapaða tíma.
Verðskrá
Sjá má verðskrána hér.
Allir Vinna
Þjónusta Heimilisþrifa fellur undir ný lög um endurgreiðslu virðisaukaskatts sem tóku gildi 1. mars 2020. Geta nú allir framvísað reikningum Heimilisþrifa til Ríkisskattstjóra og fengið virðisaukaskattinn endurgreiddan.
Við hvetjum alla viðskiptavini að kynna sér málið!
Ánægja þín
Ef við höfum komið og sinnt þrifum hjá þér og þau eru ekki í samræmi við þínar væntingar, þá hvetjum við þig til þess að hafa samband við okkur. Við viljum bæta þér það upp og halda utan um tilfallandi misbresti.
